Johannesburg as “groenste stad” aangewys

Johannesburg is as die “groenste stad” in Afrika aangewys, het die Ekonomiese Intelligensie-eenheid Saterdag bekendgemaak.

Die verslag is by COP17 (17de Konferensie van Partye) in Durban, KwaZulu-Natal vrygestel. Siemens African Green City Index het 15 verskillende stede oor die kontinent oorweeg. Kaapstad, Durban en Pretoria is ook oorweeg. Ander stede sluit in Maputo, Dar es Salaam, Luanda, Addis Ababa, Kaïro, Alexandrië, Lagos, Accra en Casablanca. Die stede is beoordeel op luggehalte, rioolgeriewe, afval, water, vervoer, grondgebruik, energie, suurstof en omgewingsbestuur. Johannesburg het die laagste koolstofvrystellings uit al die Suid-Afrikaanse stede behaal met die laagste elektrisiteitsverbruik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae