Jong man in hof wat vermeende stroper skiet

Richard Huma. Foto: Facebook

Richard Huma. Foto: Facebook

Richard Hume (31), die seun van ’n bekende renosterteler in Mpumalanga, word aangekla van poging tot moord nadat hy glo ’n vermeende wildstroper in die gesin se privaat wildreservaat geskiet het, het Beeld Donderdag berig.

Hume het Woensdag vlugtig in die Malalane-landdroshof verskyn en is op borgtog van R5 000 vrygelaat.

Hy is Dinsdagaand in hegtenis geneem. Sy pa is John Hume, die bekende renoster- en buffelteler van die Laeveld.

Richard het glo Dinsdagaand ’n verdagte Ford Bantam-bakkie in die Mauricedale-wildreservaat gesien en vir die bestuurder aangedui om stil te hou. Die bakkie het egter weggejaag. Volgens kol. Leonard Hlathi, ʼn polisiewoordvoerder, het Richard glo ’n skoot gevuur, waarna die bakkie tot stilstand gekom het.

Sabelo Maphungla (28), die bestuurder van die bakkie, is geskiet en gewond.

Die polisie het Maphungla, en twee passasiers, Siso Nkhosi (28) en Jabo Dlamini (38), in hegtenis geneem vir onregmatige betreding van privaateiendom, die onwettige jag van wild en die besit van wild. Dié verdagtes het ook in die hof verskyn. Twee ander passasiers kon daarin slaag om weg te hardloop en is nog soek.

Albei sake is tot 23 Oktober uitgestel.

-SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
JB

Ek dog hul wil die renosters in ons land beskerm. Nou word jy “gevang” as jy hul wil beskerm. Weereens maak dit nie sin nie, soos so BAIE ander goed in die land(kan ook nie meer skryf “ons land” nie)

Vas Vat

Belaglik !!!! Dit wil se die dief “mag” maar jou eiendom betree, die dief het meer beskerming as die regmatige eienaar ??? Belaglik !!!!

Trudie

Tipis. Hy moes seker maar gaan stilstaan het en toekyk hoe hulle verder steel. Of hom ook nog geskiet het. O, wette bestaan net om daarmee te maak wat hulle wil. Die blankes is altyd aan die verkeerde kant maak nie saak wat jy doen nie.

Gawie Botha

,,,,,,,,,,,,,Polisie het n onuitbare bron van finansies om miljoene rande uit te betaal vir onregmatige arrestasies,,,,,,,,,,,,moet dat die polisiebeamptes wat so graag wil “Witmense” toesluit verantwoordelik hou vir onregamtige arrestasies!

Jasper

En nou is dit weer hulle woord teen sy woord.
Alle stekte aan mnr Hume.