Molemo “Jub Jub” Maarohanye en Themba Tshabalala is Woensdagmiddag in die Protea-landdroshof gevonnis.
Landdros Brian Nemavhidi het Maarohanye en Tshabalala tot 20 jaar tronkstraf gevonnis vir moord en vier jaar tronkstraf vir poging tot moord. Hulle is ook tot een jaar tronkstraf vir die gebruik van dwelms, een jaar vir bestuur onder die invloed van alkohol en een jaar vir resies jaag op ʼn openbare pad. Die laasgenoemde sal gelyklopend uitgedien word. Maarohanye en Tshabalala se vonnis is dus 25 jaar tronkstraf. Vier kinders is dood nadat Maarohanye en Tshabalala op 8 Maart 2010 met hulle motors in ʼn groep skoolkinders ingeploeg het.