“Julle het onskuldige bloed op julle hande”

Malema tydens die Marikana-herdenking Foto: @the_new_age, Twitter

‘n Klankgreep volg onderaan die berig. Julius Malema, leier van die Economic Freedom Fighters (EFF) het Vrydag gesê platinumreus Lonmin en pres. Jacob Zuma is verantwoordelik vir die afsterwe van mynwerkers by Marikana in 2012.

“Julle het bloed op julle hande. Onskuldige bloed,” het hy onder applous by ‘n herdenkingsdiens in Marikana in Noordwes gesê. “Zuma het die polisie gestuur om die stakende werkers op 16 Augustus [2012] dood te skiet.”

Hy sê indien Lonmin met die werkers vergader het, sou die myners nie gesterf het nie.

“Lonmin, jy bly die vyand totdat jy werkers R12 500 [per maand] betaal. Weg met Zuma,” het Malema gesê. Die gehoor het hande geklap.

Malema het geweier om te gaan sit nadat sy tydsduur van drie minute verstreke was. “Ek is ‘n politikus. As jy my uitnooi, sal ek oor politiek praat. Ek gaan nie vir drie minute lank praat nie,” het hy aan Dali Mpofu, wat die program gelei het, gesê.

Die afsterwe van 44 mense tydens ‘n onbeskermde staking verlede jaar in Marikana is Vrydag herdenk. Altesaam 34 mynwerkers is op 16 Augustus dood nadat polisiebeamptes op hulle losgebrand het. Die werkers, wat met spiese, pangas, ysterstawe en knopkieries bewapen was, het op ‘n koppie bymekaar gekom. Hulle het op ‘n maandelikse salaris van R12 500 aangedring. Tien mense, insluitend twee polisiebeamptes, is die week vantevore tydens die gewelddadige betoging oorlede.

Die skare het Malema toegejuig toe hy by die herdenkingsgeleentheid opgedaag het. Hy het sy rooi EFF-baret, ‘n swart hemp en sonbrille aangehad.

Malema het gereël dat prokureurs die 270 mynwerkers verteenwoordig wat ná die skietery in hegtenis geneem is. Hy was in daardie stadium die geskorste leier van die ANC-jeugliga. Hy is later uit die ANC geskors.
[soundcloud url=”http://api.soundcloud.com/tracks/105724149″ params=”” width=” 100%” height=”166″ iframe=”true” /]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Trippie

“Julle het bloed op julle hande. Onskuldige bloed”

Netso Aap Malema, jy en die ou vir wie jy sou sterf, dis julle wat bloed aan julle hande het met die sing van “One settler, one bullet” / Skiet die Boer.

Ek stort GEEN traan oor hierdie sterftes nie.

Polisie het na my mening reg opgetree (een van die min kere). Wanneer jy opdaag met tradisionele wapens, is dit beslis NIE om oor ‘n koppie tee en koekies te kuier nie.

Hendrik

Bedank die lot en kry mense wat wil werk! En gee die afgedanktes vir MALema dat hy R12 500 per maand aan hulle betaal!

Seg Net

Hierdie verskyning van hom is geen verrassing nie. Sy hoofdoel was om stemme te werf en niks anders nie. Die myn werkers en jong werklose swart plaffer jeug steun hom aangesien hy die regte geluide maak wat hulle wil hoor.

HELENA SEABORNE

ag siestog en wat van al die blankes wat elke dag onskuldig vermoor word deur sy trawante.

Ivor

Ek hou so van hierdie binnegevegte. Al wat ons moet doen is om op die pawiljoen te sit en die spel te geniet wat voor ons afspeel. En dis gratis.