Kaapse visserman word vermis

Foto: NSRI

‘n Kaapse visserman word vermis nadat hy Vrydag van ʼn kreefboot naby Kaappunt Natuurreservaat oorboord geval het.

“Die boot het nette naby die kus ingetrek toe die skroef met seewier verstrengel geraak het,” het Craig Lambinon, woordvoerder van die Nasionale Seereddingsinstituut (NSRI) gesê. “Terwyl hy van die seewier ontslae probeer raak het, het ʼn golf die boot getref en die 30-jarige man het oorboord geval.”

Die bemanning het eers opgemerk die man word vermis toe hulle herstel het nadat die boot byna omgeslaan het. ʼn Lug-, see- en kussoektog is van stapel gestuur en die man se lewensreddingsbaadjie is opgespoor.

Lambinon sê digte mis verhinder die soektog.

ʼn Geregtelike doodsondersoek sal gedoen word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.