Kaapstad konfiskeer motoriste se selfone

Foto: Fredrik Skold / Alamy

Die stad Kaapstad het bekend gemaak dat hy reeds meer as 1 300 selfone van motoriste gekonfiskeer het sedert ‘n verordening wat selfoongebruik reguleer in Julie 2012 ingestel is, berig EWN.

Motoriste wat gevang word dat hulle SMS-boodskappe stuur of sonder ‘n handvrye-toestel op hul selfoon praat terwyl hulle bestuur, se selfone word vir 24 uur lank gekonfiskeer en hulle moet ‘n stewige boete betaal om die telefoon terug te kry. Die boete van R1 100 is in Julie vanjaar ingestel nadat die verordening nie gesels en ry bekamp het nie.

“Sedert 25 Julie is 1 342 selfone gekonfiskeer,” het JP Smith, woordvoerder van die stad, aan EWN gesê. “Altesaam 1 143 van dié selfone is weer afgehaal.” Die nagenoeg 200 selfone, wat nie afgehaal is nie, sal in November op ‘n veiling verkoop word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

6 Kommentare

brampie ·

Net meer geld vir die staat om te steel, ek sal self kan doen met. R1476 200 per maand, net nog ‘n manier om geld te maak. Jissis maar die spul is treurig!

Johan Kruger ·

Wat gebeur met die Metro wat net so lekker op hulle fone sit en praat terwyl hulle besig is om amplike voertuie te bestuur?

Deon ·

Fantasties, ek bid dit word regoor die land ingestel, ek is n motorfietsryer in iemand wat op n selfoon praat en bestuur is ons ergste nagmerrie!

Ansie Janse van Rensburg ·

Bravo! Ek ry nou die dag agter `n dame wat 40km per uur in die vinnige baan ry tydens SPITSVERKEER terwyl sy lustig kekkel op haar foon! Jy sien net hande soos sy beduie dat die spoegspatsels spat! So is jy elk geval `n sagte teiken vir grypdiewe.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.