Twee tieners is Woensdagaand in Elsiesrivier in Kaapstad doodgeskiet.
“Bianca Jacobs (16) en Charles Damons (17) is in Clarkes Estate doodgeskiet,” het kol. Tembinkosi Kinana, woordvoerder van die polisie in die Wes-Kaap, gesê. “Die slagoffers het glo in Ou Stellenboschweg met vriende staan en gesels toe ʼn verdagte, wat hulle geken het, lukraak op hulle losgebrand het.”
Die verdagtes het te voet gevlug. Die polisie is op soek na die verdagtes. -SAPA