Die sangeres Karlien van Jaarsveld en haar rugbyspeler-man Derick Hougaard se tweelingseuntjies is Donderdag gebore.
“Hulle is perfek! Dankie Abba Vader!” het Ronel Brink, Karlien se ma, op Twitter bevestig.
Die tweeling se name is Daniël en Eliah. Volgens Karlien se Facebook-blad het Eliah 1.95 kg geweeg en hy is om 11:33 gebore. Klein Daniël weeg 1.7kg en hy is om 11:35 gebore.
Bobby van Jaarsveld, Karlien se broer, het vroeër op Twitter geskryf: “Nog nooit so vinnig van vakansie af gejaag nie! Karlien is opgeneem in die hospitaal! Die 2-ling is oppad!!!!”
Karlien het op 10 Junie bekend gemaak sy is swanger.
Baie geluk Karlien en Derick – hoop die twee mannetjies sal vir julle baie vreugde bring
Dankie Queen Moeder!
Baie baie geluk julle twee glo hulle gaan vir julle groot vreugde bring!
Mag die twee knapies jul vreugde en liefde wees vorentoe!