Keniaan gevonnis vir 86-jarige SA’ner se moord

Argieffoto

Argieffoto

ʼn Man van Kenia is lewenslange tronkstraf opgelê vir die moord op ʼn 86-jarige Suid-Afrikaner van KwaZulu-Natal in 2010.

“Ismail Juma (20) is Woensdag lewenslange tronkstraf (25 jaar) opgelê vir die moord op Ramsacal Bagrathic met ʼn bykomende 15 jaar vir roof met verswarende omstandighede,” het kapt. Thulani Zwane, woordvoerder van die polisie, Vrydag gesê. Hy sal altesaam 40 jaar in die tronk spandeer.

Bagrathic se liggaam is in Oktober 2010 by sy huis in School Cicle, Park Rynie, opgespoor. Hy is met ʼn kussing versmoor en sy huis is beroof.

Juma is later in Durban in hegtenis geneem. Die saak is ʼn paar keer uitgestel. “Ek is verlig dat die saak afgehandel is en is tevrede met die uitspraak en vonnis,” het die ondersoekbeampte Yugen Moodley gesê. –SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae