Volgens Nuus24 skop die Kaapse feesseisoen Sondag 4 Desember af wanneer die kersliggies in Adderleystraat aangeskakel word as deel van ‘n konsert en karnavalparade.
Meer as 80 000 inwoners en besoekers word verwag om saam met Patricia de Lille, die burgemeester, dié feestelikhede by te woon. Die konsert begin omstreeks 15:30 en plaaslike kunstenaars soos Karin Kortje, Loukmaan Adams en HHP sal die gehoor vermaak. Die feestelikhede duur tot 23:00 en verskeie paaie sal gesluit word.