ʼn Kind wat ondersoek wou instel oor ʼn geluid in die huis, het ʼn man betrap wat haar ma verkrag.
“Die beskuldigde het glo vroeër saam met die gesin by hul huis in Itsoseng televisie gekyk toe die ma en haar dogter gaan slaap het,” het sers. Kealeboga Molale, woordvoerder van die polisie in Noordwes, gesê.
Die kind het ʼn paar uur later wakker geword van ʼn geluid uit die ma se slaapkamer en het gaan ondersoek instel. Die man was glo besig om die ouer vrou te verkrag.
Die polisie is ontbied en die man is dadelik in hegtenis geneem. Hy sal Maandag in die Itsoseng-landdroshof verskyn.
Die ouderdomme van die onderskeie persone is nog nie bekend gemaak nie.
Tipies !
Ja, ai. Wat kan ons sê?
Het die man toestemming gehad om daar te oornag ? Dis jammer dat ‘n kind op so-iets moet afkom.