Kind sterf na stuipe by skool

ʼn Meisie is dood nadat sy stuipe gekry het by haar skool in die weste van Johannesburg, het die Gautengse departement van onderwys Vrydag gesê.

“Dit was na LO-klas Donderdag terwyl sy na die swembad geloop het. Sy het stuipe gekry en die skool het paramedici ontbied,” sê ʼn woordvoerder Charles Pahlane. Twee onderwysers het mond-tot-mond-asemhaling toegepas terwyl hulle op paramedici gewag het. “Paramedici kon egter nie daarin slaag om haar lewe te red nie.” Pahlane sê die departement het amptenare na die skool gestuur om ondersoek on te stel. Daar is ook beraders verskaf aan die skool. Die presiese oorsaak van dood sal deur ʼn nadoodse ondersoek vasgestel word. Pahlane wou nie die naam van die skool bekendmaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.