Kinderhuis glo ‘te wit’ vir skenkings

Bepalings van die Wet op Breëbasis Swart Ekonomiese Bemagtiging (BBBEE) het privaatondernemings glo ontmoedig om donasies aan ‘n Pretoriase kinderhuis te maak, aangesien meeste van die kinders glo wit is.

“Daar is niks wat ons kan doen nie, dit is ‘n hartseer saak,” het Elzane van der Merwe, bemarkingsbestuurder van die Jakaranda-kinderhuis, aan The Times gesê. Meeste van die kinders by die kinderhuis is wit. Kragtens die wet beteken dit dat korporatiewe donateurs nie BBBEE-punte vir skenkings sal ontvang nie.

Van der Merwe sê die tehuis kies nie die kinders vir wie hulle sorg nie, maar dat maatskaplike werkers en die howe besluit watter kinders om by die kinderhuis te plaas. Volgens The Times word 70% van die kinderhuis se jaarlikse lopende koste van R25 miljoen deur korporatiewe skenkers befonds, wat nou oor die afgelope drie jaar hul ondersteuning onttrek het. Die wet bepaal dat BBBEE-punte slegs toegeken kan word wanneer donasies aan liefdadigheidsorganisasies gemaak word waarvan driekwart van die begunstigdes uit voorheen benadeelde rasgroepe kom.

The Times berig dat die kinderhuis die afgelope twee jaar R7.1 miljoen per jaar van die regering ontvang het. Dit is hierdie jaar na R9.1 miljoen verhoog.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
H J Bester

Mens kan die benadering ten opsigte van toepassing van BBBEE maar net as jammerlik en siek tipeer deurdat dit die vryheid van ondernemings aan bande lê. Hierdie benadering van die ANC-regering om alles te wil beheer, is tipies sosialisties en hou niks goeds in oor die lang termyn nie. Dit tas die belastingbronne aan omdat te veel aan geld op onproduktiewe wyse aangewend word en dit ondernemerskap smoor. Verder kan die beleid daartoe lei dat buitelandse finansiering aangegaan word om die onproduktiewe spandering te handhaaf en dus groot buitelandse skulde opbou. Indiwidue sal alle ondernemings met meriete, soos die kinderhuis… Lees meer »

SANETTE HENNING

Wat maak dit saak of die weeskind wit,swart,indier of kleurling is. Die kind het beslis nie gekies om in weeshuis te wees nie nee die kind is a.g.v. omstandighede daar. Die wat skenkings bewillig net vir swart is diere en harteloos, vir hul sal ons bid want hul lees beslis nie die bybel reg nie want in my bybel is geen onderskeid van ras nie. Daar is beslis meer swart weeskinders as wit dit is so , wel daar moet dalk meer gekyk word hoekom?

E Roos

Hier is Rustenburg is dit nou weer andersom, die plaaslike kinderhuis wat meer ander kleur kinders het sukkel net so om kop bo water te hou met omtrent geen toelae want daar word gese dat daar meer kinders ingeneem moet word maar die plekkie is net van so aard dat net soveel kinders versorg kan word, akkomodasie/ personeel/ kos ens so dis omtrent ‘n styrd lyk dit my om die kinderhuise aan die gang te hou want waar gaan hulle met die kinders anders heen as daar nie sulke plekke is vir die kinders nie. Nou vra ek myself die… Lees meer »

Mariana Fourie

Die kind het nie gekies eers om op hierdie aarde te wees nie. Hy word gepenaliseer by geboorte, in wees toestand, omdat hy wit is. Dis voor die Here ‘n skande as daar nie hieraan iets gedoen word nie.

william

Dit is een van die grootste probleme in Suid Afrika. Oorbevolking. Duisende laerskool kinders so jonk as 11, 12 is verwagtend. Die regering se behebtheid met grond hervorming stel voedselsekerheid in gevaar . Hoeveel van die plase wat aan swartmense gegee is is produktief. Maar ek dwaal n bietjie af van die onderwerp. Witmense gaan toenemend gemarginaliseer word. Op alle gebiede. Die geval van die weeshuis is n voorbeeld. Waar is die nuwe Suid Afrika(reenboognasie) waarvan almal gespog het waar almal gelyk sal wees en die grondwet dit sal waarborg. Die ANC het almal met n slap riem gevang. Daar… Lees meer »