Kinderporno-sindikaat: Verdagte in hof

Een van die ses verdagtes wat Woensdag in die hof verskyn het in verband met 'n vermeende kinderpornografie-sindikaat wat die polisie oopgevlek het Foto: Werner Beukes, SAPA

Een van die ses verdagtes wat Woensdag in die hof verskyn het in verband met ‘n vermeende kinderpornografie-sindikaat wat die polisie oopgevlek het Foto: Werner Beukes, SAPA

Die saak teen een van ses mans wat daarvan beskuldig word dat hulle in ‘n kinderpornografiesindikaat betrokke was, is Woensdag in die Randburgse landdroshof uitgestel.

Die man het vlugtig in die hof verskyn. Die saak is tot 5 November uitgestel sodat die verslag van die kubermisdaadeenheid afgehandel kan word. Die man se borg is tot sy volgende hofdatum verleng.

Ses mans is op 15 Augustus in hegtenis geneem nadat die polisie ‘n wenk van Interpol ontvang het. Die ses verdagtes, van vier verskillende provinsies, is aangekla vir die besit van kinderpornografie. Hulle is onderskeidelik in Lichtenburg, Bloemfontein, Witrivier, Douglasdale, Florida en Potchefstroom in hegtenis geneem. ‘n Prokureur, dermatoloog, sakeman, twee onderwysers en ‘n afgetrede skoolhoof is in hegtenis geneem.

Die polisie het in Augustus klopjagte uitgevoer op verskeie huise. Die polisie het beslag gelê op 672 DVDs, 22 geheuestokkies, agt skootrekenaars, twee rekenaartablette, 39 eksterne hardeskywe en 25 boeke met kinderpornografiefoto’s.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Vas Vat

Dit verstom my dat die “barbare” uit op borg is, hulle moet in die vuilste tronk denkbaar toegesluit word, en na die hofsaak vir ewig uit die samelewing verwyder word…Sies.

Jasper

Dit nogals “gesiene” menere. Behalwe hul slagoffers dink ek aan die niks vermoedende vrouens en kinders wat hierdie skande moet vewerk

Blertsie

Waarom word hierdie “gesiene mense” se name nooit gepubliseer of gesigte nooit gewys nie? Hulle moet in die publiek verneder word. Kinders is weerloos in die hande van hierdie tipe gewetenlose varke! Publiseer hulle name en gesigte, sodat mense kan sien hoe lyk die varke wat kinders se lewens verwoes!

wragtig

Lol mense ek dink ek herken die man op die foto. Hys nogal n gesiene man en het n dierbare vrou en twee tiener dogters.

Bronwyn Pieterse

Wat my pla hier, is dat 3 van die ses in die opvoedkundige bedryf werk. Hoe voel die kinders van daardie skole en ouers nie na hierdie debakel nie. Ek sou woedend wees. Een nogal `n skoolhoof.