Meer as honderd skoolkinders van die Meyerton-omgewing in Gauteng moes Dinsdagmiddag vir beweerde voedselvergiftiging behandel word.
Volgens Chris Banks, ʼn woordvoerder van ER24, het die voorval by ʼn skool in Henley-On-Klip plaasgevind. “Paramedici van ER24 en die provinsie se ambulansdiensteis na die skool ontbied nadat kinders en onderwysers begin siek word het,” het Banks gesê. “Hulle is by die skool ondersoek en het simptome van voedselvergiftiging getoon. Die kinders is op die toneel gestabiliseer en na verskeie hospitale in die omgewing geneem vir verdere behandeling.”
