Foto aan OFM verskaf deur Maritza Durandt
Die vlieënier wat Saterdagoggend in ʼn tragiese ongeluk by die lugskou in Klerksdorp gesterf het, se naam is bekend gemaak.
Gianfranco Cicogna, die vlieënier, het glo uit die formasie en reguit in die grond in gevlieg terwyl hy ʼn akrobatiese toertjie wou uitvoer. “Die vliegtuig, ʼn L-39 Albatross, wat in privaatbesit was, het onmiddellik ontplof,” het Brian Eminess, ʼn kommentator by die lugskou, gesê. Cicogna, met vliegondervinding in Afrika en Europa, is op slag dood.
Die Suid-Afrikaanse Burgelike Lugvaartowerheid sal die voorval verder ondersoek.
Voorbeeld van die L-39 Albatross-vliegtuig
