Argieffoto
ʼn Driejarige seuntjie is dood en sy pa beseer nadat hul voertuig Woensdag teen ʼn ander voertuig in Randburg gebots het.
Volgens Vanessa Jackson, ʼn woordvoerder van ER24, was een van die voertuie besig om by die kruising van Braam Fisher- en Robin Hoodweg in te draai toe dit deur die ander voertuig aan die kant getref is.
Die kleuter was reeds uit die voertuig verwyder toe paramedici by die toneel opgedaag het. Hy is op die toneel dood verklaar. Die pa is na die Helen Joseph-hospitaal geneem vir verdere behandeling.
Die insittendes van die ander voertuig het nie beserings opgedoen nie.
shame baie baie sad … kan myself nie indink nie.
Vir die onthalwe van die pappa se gewete hoop ek maar die klein mannetjie was vas gemaak in sy kar-stoeltjie, waar ‘n 3-jarige kind hoort.
Foeitog – dis uiters sad. nes Rina hoop ek ook dat die seuntjie in ‘n stoeltjie vasgemaak was.
Wat gebeur met die ‘ander’ voertuig … wat was dit n taxi?