Knysna-adjunkhoof vas vir seksuele aanranding

‘n Skool in Knysna se adjunkhoof is in hegtenis geneem nadat hy glo ʼn 12-jarige meisie seksueel aangerand het.

Kapt. Malcolm Pojie, ʼn polisiewoordvoerder van die Wes-Kaap, het Donderdag gesê die man is Woensdagaand in hegtenis geneem nadat die meisie se ma ʼn klag by die polisie aanhangig gemaak het.

“Die meisie en ʼn ander leerling is glo Maandag, tydens skoolure, deur die adjunkhoof ingeroep om te help met die verspreiding van omsendbriewe,” het Pojie gesê.

Die adjunkhoof het glo die meisie gemolesteer nadat die ander leerling hulle verlaat het.

“Die hoof van die skool het hom op heterdaad betrap.”

Die hoof het die dogter se ma van die voorval ingelig waarna sy die saak by die polisie aangemeld het.

Die man sal na verwagting Vrydag in die Knysna-landdroshof verskyn op ʼn aanklag van seksuele aanranding. Die ondersoekbeampte gaan tydens die adjunkhoof se eerste hof verskyning borgtog teenstaan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

akram ·

hoe lank het dit aangegaan? was sy dalk te bang om iets vroeer te se?

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.