Kokaïen by Hartenbos opgespoor

Hartenbos Foto: www.tourismincapetown.co.za

Hartenbos Foto: www.tourismincapetown.co.za

ʼn Swart sak met 25 pakkies, moontlik vol kokaïen, is by Hartenbos in Mosselbaai opgespoor, het die Wes-Kaapse polisie Vrydag gesê.

“ʼn Lewensredder het op Kersdag omstreeks 16:40 ʼn swart sak in die water naby Hartenbos-strand gesien,” het kapt. Bernadine Steyn, woordvoerder van die polisie, gesê. “Die sak was aan ʼn tou vasgemaak wat aan iets anders vas was. Daar was 25 pakkies in die sak wat elk moontlik kokaïen bevat.”

Elke pakkie weeg net meer as 1 kg en indien dit wel kokaïen is, is die geraamde straatwaarde ongeveer R8 miljoen.

“Die pakkies word na ʼn laboratorium geneem om getoets te word,” het Steyn gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Elsabe ·

‘….opgespoor’.. ???
Nie miskien ‘gevind’ ? Of is daarvoor gesoek?
En waaraan was die tou?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.