Konstabel brand glo los op kollegas na ongeluk

ʼn Vrystaatse polisiebeampte wat glo op sy mede-beamptes losgebrand het nadat hulle hom in hegtenis probeer neem het op ʼn ongelukstoneel, het Maandag in die Harrismith-landdroshof verskyn.

Kapt. Mmako Mophiring, ʼn polisiewoordvoerder, sê polisiebeamptes het konst. Mduduzi Ndlovu (30) Vrydagmiddag by ʼn ongelukstoneel op die N3 buite Harrismith in hegtenis probeer neem toe hy op hulle losgebrand het. Ndlovu het glo teen ʼn taxi gebots terwyl hy in vol uniform was en glo onder die invloed van alkohol bestuur het. Ndlovu was nie aan diens ten tyde van die voorval nie. Ndlovu het glo op verkeersbeamptes geskiet nadat hulle hom in hegtenis probeer neem het waarna hy glo op polisielede losgebrand het nadat hulle vir bystand ontbied is. Ndlovu word van poging tot moord en dronkbestuur aangekla. Die saak is tot 10 Oktober uitgestel vir verdere ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.