Konstruksiewerk by die Golden Walk-winkelsentrum is tydelik gestaak om ondersoek in te stel nadat ʼn hyskraan Maandag deur die sentrum se dak geval het.
Mishack Magakwe, ʼn woordvoerder van die Gautengse departement van arbeid, het gesê konstruksiewerk is opgeskort tot die uitslag van die ondersoek bekendgemaak is.
Maroela Media het Maandag berig altesaam 23 mense is beseer, waarvan twee ernstig, nadat die hyskraan deur die Woolworths in die sentrum se dak geval het. Meeste van die mense wat beseer is, is werknemers van die winkel. Lees meer hier.