Pres. Jacob Zuma Foto: GCIS
Die blaam vir die groeiende korrupsie in Suid-Afrika behoort vierkantig voor die deur van pres. Jacob Zuma geplaas te word. Dit is die standpunt van die sakeregtewaghond AfriSake nadat Transparency International se jongste korrupsiepersepsie-indeks toon dat Suid-Afrika verder op hierdie barometer teruggesak het. In 2010 was Suid-Afrika in die 54ste plek. Nou lê ons op nommer 72 uit 177 lande.
Volgens AfriSake se uitvoerende hoof, Cornelius Jansen van Rensburg, bevestig die Transparency International-verslag dat Suid-Afrika sedert die aanvang van pres. Zuma se ampstermyn in ʼn afwaartse korrupsiespiraal vasgevang is. “Die land strompel van die een korrupsieskandaal na die ander en die president se naam word by vele van hierdie skandale betrek. Die staatsdiens volg eenvoudig sy voorbeeld,” het Jansen van Rensburg gesê.
Volgens Jansen van Rensburg is daar ʼn “vat alles”-mentaliteit onder staatsamptenare, met die armste Suid-Afrikaners wat die ergste daaronder deurloop. Miljoene mense sit sonder werk en huise, en hulle het gebrekkige toegang tot water en ander dienste terwyl owerheidsamptenare die staatskas stroop.
Korrupsie verhoog nie net sakekoste nie maar ondermyn langtermyn-sakevertroue en verstadig ekonomiese groei. Boonop maak dit voornemende en bestaande beleggers onseker oor die deursigtigheid van regeringsprosesse en verantwoordbaarheid van regeringsamptenare.
Volgens Jansen van Rensburg is ‘n korrupte staatsadministrasie nie net skuldig aan die diefstal van openbare fondse nie maar dit is gewoonlik ook die voorloper tot skending van ander regte.
AfriSake sal in die komende jaar daarop fokus om korrupte staatstransaksies te ondersoek en dit waar moontlik met behulp van die regstelsel teenstaan.
Kom anc ek dink julle kan baie beter. Nog net 105 plekke om te sak dan het julle jul doel bereik. Dan sal zumpie en sy trawante tevrede wees want dan is hulle skatryk gesteel.
En as die melkkoei opdroog, dan gaan hy hom nog slag ook.
Eenmaal uit gevang as ‘n skelm en toue getrek om President te word nou beskerm al sy skelm maats hom. Boere raad sny die slang se kop af dan is hy geen problem. Want hy is die president van bedrog en almal om hom ding dit is die norm.