Die koue front wat die Wes-Kaap in sy greep beet het, sal na verwagting tot Dinsdag voortduur.
“Aanhoudende reën kan die hele Maandag in die George-omgewing verwag word, en dit sal tot Dinsdag voortduur,” het Bransby Bulo van die Suid-Afrikaanse Weerdiens Maandag gesê.
Volgens die weerdiens kan koeler weer in die suide van Gauteng, KwaZulu-Natal en Vrystaat verwag word.
“Die res van die land gaan gunstige weerstoestande ervaar, alhoewel koeler weer daar ook verwag kan word,” het Bulo gesê.
Maroela Media het Sondag berig Chapman’s Peak-rylaan moes gesluit word, en meer as 2 000 mense is dakloos gelaat ná ‘n koue front en storms Kaapstad Saterdagaand getref het.