Krag-sabotasie is “terrorisme”

elektrisiteit 3Faith Mazibuko, LUR vir veiligheid in Gauteng, het Vrydag gesê die optrede van werknemers wat die elektrisiteit by substasies in Johannesburg afgeskakel het, is gelykstaande aan terrorisme.

“As provinsiale regering is ons kwaad, en wat gebeur het is terrorisme,” het Mazibuko aan verslaggewers gesê. Sy sê die saak word deur verskeie agentskappe, insluitend die Valke, ondersoek. Sy sê die skuldiges het ander mense se lewens in gevaar gestel.

Sicelo Xulu, besturende direkteur van City Power, het gesê daar is met ‘n paar skakelaars by ‘n aantal substasies gepeuter. “Daar was nie geforseerde toegang nie, wat beteken dat iemand dit eenvoudig afgeskakel het,” het Xulu gesê.

Veiligheidsmaatreëls is intussen by verskillende substasies ingestel om seker te maak dat die kragonderbrekings nie weer gebeur nie.

Lenasia, Alexandra, Randburg en sommige gedeeltes in die Johannesburgse middestad word steeds deur die kragonderbreking geraak.

“Kriminele klagte sal gelê word,” het Parks Tau, burgemeester van Johannesburg, gesê. Hy sê die arbeidsverhoudingeproses moet gerespekteer word, maar ‘n situasie waar inwoners sonder elektrisiteit gelaat word, kan nie toegelaat word nie.

Die Wes-Rand en dele in die noorde van Johannesburg het kragonderbrekings ervaar nadat ‘n paar honderd werknemers van City Power Woensdagmiddag begin staak het. City Power sê die staking word nie deur vakbonde gelei nie. Die werknemers is ontevrede oor ‘n nuwe skofsisteem wat ingestel is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Seg Net

Daar is verseker nie net ‘n paar skakelaars afgesit nie. Daar is baie meer as dit agter hierdie storie, Waarom dit probeer wegsteek?

wllie

Live by the sword, die by the sword.

Kaspaas Breekwater

Ek is verbaas dat ‘n terroriste organisasie ‘n probleem het met terrorisme.

sarel du plessis

Dit het hulle nou van te veel arbeidswette war werkers beskerm

Seg Net

Sien my kommentaar is nie geplaas nie. Seg dus weer. Hierdie is nie net ‘n paar skakelaars wat afgesit is nie. Daar is baie meer as dit agter die hele storie. Waarom dit wegsteek? Sabotasie deur ‘n geregistreerde wettig terroristiese organisasie soos die EFF?