Kurt Darren ernstig beseer ná motorongeluk

Kurt Darren

‘n Musiekvideo van een van Kurt se bekendste liedjies volg onderaan die berig.
Skakels na die jongste stories oor Kurt se hospitalisasie volg onderaan die berig.
Die bekende sanger Kurt Darren was vroeg Sondagoggend in Pretoria in ‘n ernstige motorongeluk.

“Kurt is deur nooddienste per helikopter na die Milpark-hospitaal in Johannesburg geneem,” het sy bestuurder, Louis van Wyk, gesê. “Hy het veelvoudige beserings en kneusplekke opgedoen en agt ribbes gebreek.”

Kurt is tans in die intensiewesorgeenheid. “Hy is in baie pyn, maar stabiel en gemaklik,” het Van Wyk bygevoeg. “Hy is nie meer in gevaar nie.”

Sy broer Darren van Heerden was eerste op die toneel. “Kurt was op pad huis toe nadat hy saam met vriende, Marnus Bisschoff en Nadia van Rensburg, rugby gekyk het,” het Van Heerden gesê. ‘n Voertuig het glo in hulle aankomende baan gery. “Dit was duidelik dat die voertuig nie gaan uitswaai nie, en hulle was verplig om links uit te swenk.”

Die voertuig het by ‘n afgrond op die Kameelfontein-pad aan die noorde van Pretoria, afgerol. Volgens Van Heerden het ‘n inwoner die ongeluk gehoor en nooddienste ontbied. “Kurt en Marnus is albei met helikopters na hospitale geneem. Marnus het ook baie kneusplekke en ‘n opgeswelde rug opgedoen. Dis nog nie duidelik of hy enige verdere beserings opgedoen het nie. Nadia word vir been- en heupbeserings in die Steve Biko-hospitaal behandel.”

“Kurt se vrou Dunay is tans oorsee en dra kennis van die situasie,” het Van Wyk bevestig.

“Ons bedank die nooddienste vir hulle uiterste vinnige reaksie om sodoende ‘n noodlottige besering te kon vermy. Kurt sal vir ses weke lank buite aksie wees tydens sy herstel.” Van Wyk het bevestig sy bestuurspan by Music Profile Management is tans besig om kliënte te kontak om van sy vertonings, onder andere Vryfees asook Skouspel Plus in die Kaap te kanselleer.

“Ons bedank ook al die boodskappe van sorg van Kurt Darren se vriende en bewonderaars. Dit word op prys gestel en ons wens almal hiermee vir Kurt, Marnus en Nadia spoedige herstel toe,” het Van Wyk bygevoeg.

Lees ook:
Kurt Darren sterk aan ná ongeluk
Kurt Darren se vrou sien hom vir die eerste keer sedert sy ongeluk
Kurt Darren: Lugsakke het nie ontplooi nie
Kurt steeds in intensiewe sorg
Dunay dankbaar vir ondersteuning
Kurt Darren ernstig beseer ná motorongeluk

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Carla

Baie baie sterkte vir julle,julle is in my gebede

Amanda/Sindy

Agt gebreekte ribbes?? Ek het drie gehad en dit was woes, hoop jy gedra jou stil. Laat hulle daai ribbes vasdraai of kry een van daai “kidney belts” van rekbare stof!! Dink aan jou vaderland!! Goed gaan word gou gesond!!

Robbert

Ons hoop dat Kurt weer gou sal herstel en bid hom God se beskerming en seën.

estelle opperman

Hi Kaptein .. sterkte jys in my gebede.

Linda du Plessis

Ons by die Boertjiefeeskontrei wens Kurt,Marnus en Nadia spoedige en volkome herstel toe. Ons plaas julle in ons gebedsgroepe en weet en vertrou dat dat ons Hemelse Geneesheer jul gesond sal maak en dankie Vader vir U genade dat U hierdie 3 kosbare mense vir ons en hul geliefdes gespaar het! Xxxx