Die sanger Kurt Darren se pa is Saterdag oorlede.
Darren het vroeër vandag op Twitter gesê: “My liewe pa is nounet oorlede, my hart is gebreek, hy het so hard baklei. Al my vriende en musikante orals was baie lief vir hom RIP.” Darren se vrou, Dunay Nortjé, het op Twitter geskryf: “My dierbare man se pa is netnou oorlede na ñ lang stryd met emfiseem, dra hom en die hele familie op in my gebede!!! My hart is stukkend!!.” Medelye het intussen ingestroom op Facebook en Twitter. Darren het ook sy aanhangers bedank vir hul ondersteuning. “Baie dankie vir al jul boodskappe, ons waardeer rêgtig.”
