Kwadrupleeg kry gesteelde rolstoel terug

Philippe Croizon

Philippe Croizon, ʼn kwadrupleeg en bekende swemmer, gaan met sy elektriese rolstoel herenig word nadat dit oor die naweek gesteel is.

ʼn Man het glo met Croizon in verbinding getree nadat hy van die gesteelde rolstoel te hore gekom het. “Ek gaan my rolstoel Donderdagoggend kry,” het Croizon Dinsdag op Twitter laat weet.

ʼn Busbestuurder, wat die rolstoel verlate in ʼn parkeerarea opgespoor het, het nie geweet aan wie dit behoort nie, totdat hy die berig oor die radio gehoor en op televisie gesien het. Hy het Maandagaand met Croizon in verbinding getree.

Maroela Media het Maandag berig Croizon (45), wat nie arms of bene het nie, het verlede week by vriende in Dieppe, Frankryk, tuisgegaan toe diewe ʼn sleepwa met sy pasgemaakte rolstoel in gesteel het. Klik hier om meer te lees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.