ʼn 9-jarige seun is beseer nadat hy Vrydag van ʼn bewegende bus in Bloemfontein geval het.
Chris Botha, ʼn woordvoerder van Netcare 911, sê die ongeluk het in Oranjesig plaasgevind. “Die kind het op die agterkant van die bus geklim en op die buffer gestaan. Die bus was besig om te ry toe die kind gegly en in die pad geval het,” het Botha gesê.
Die kind is op die toneel gestabiliseer en met ernstige beserings na die hospitaal geneem.
