Leeuwyfie op vrye voet

Polisie in Noordwes vra inwoners in die Mahikeng-omgewing om paraat en op die uitkyk te wees vir ʼn wilde leeuwyfie wat in die gebied waargeneem is.

Volgens brigadier Thulani Ngubane, ʼn polisiewoordvoerder, het die leeu moontlik van die Kgale plaas in Botswana ontsnap en die grens oorgesteek.

“Sy is eers naby die Swartkopfontein-grenspos tussen Botswana en Mahikeng waargeneem. Publiek en polisiebeamptes het haar Woensdag vir die eerste keer aan Suid-Afrika se kant van die grens gesien,” het Ngubane gesê.

Wildbewaarders en die polisie werk sedert Donderdag saam om haar op te spoor waarna hulle gaan probeer om die leeu te verdoof en terug te neem Botswana toe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.