ʼn 38-jarige man is Sondag langs ʼn pad in Blydeville, Lichtenburg, dood aangetref.
“Die man, wat in ʼn poel bloed gelê het, is later deur nooddienste dood verklaar,” het sersant Philani Nkwalase, woordvoerder vir die polisie in Noordwes, gesê. “Die liggaam is na die staatslykhuis geneem, en polisie ondersoek ʼn saak van moord.” Die slagoffer is uitgeken, maar sy naam kan nog nie bekendgemaak word alvorens sy naasbestaandes in kennis gestel is nie.
Niemand is nog in verband met die voorval in hegtenis geneem nie.