Liebenberg se lewe kan glo in gevaar wees

Retief Liebenberg en sy dogter Chevonne. Foto: Facebook

Retief Liebenberg en sy dogter Chevonne. Foto: Facebook

Retief Liebenberg, wat van moord beskuldig word, se lewe kan moontlik in gevaar wees indien sy aansoek om borgtog goedgekeur word, het die landdroshof in Benoni Vrydag gehoor.

“Die familie van die oorledene is baie emosioneel oor die misdaad,” het ao Peter Mbonani, die ondersoekbeampte, gesê. “Die beskuldigde se lewe kan in gevaar wees indien hy op borgtog vrygelaat word.”

Liebenberg van Benoni in Johannesburg is verlede Donderdag in hegtenis geneem in verband met die skietery van sy dogter Chevonne se kêrel, Dewalt “Poena” Visser (19) en die tienerseun se pa, Dewalt (46). Hulle is in Liebenberg se huis doodgeskiet.

Liebenberg, wat teregstaan op twee aanklagte van moord, doen aansoek om borgtog.

Die pa en seun is Vrydag in Rynfield, Benoni, begrawe.

Mbonani het getuig dat Liebenberg Visser snr. en sy seun in sy [Liebenberg] huis doodgeskiet is. “Daar is met die moordtoneel gepeuter,” het hy gesê.

Marius van Wyngaardt, vir Liebenberg, het Mbonani gevra hoe hy dié bewering kan maak wanneer hy nog nie die ballistiese verslag gesien het nie. Mbonani sê dit is duidelik dat Liebenberg, nadat hy Visser snr. geskiet het, aanhou skiet het terwyl hy in die huis in is en Visser jnr. gevolg het nadat hy in die kombuis in gehardloop het. “Die koeëlgate en merke op die muur toon dat die beskuldigde aanhou skiet het. Sommige van die koeëls het die mure rakelings getref,” het hy gesê.

Van Wyngaardt het aan Mbonani gesê hy mislei die hof. Landdros Ian Cox het aan Van Wyngaardt voorgestel dat hy vir die ballistiese verslag moet wag voordat hy vrae vra oor die toneel, aangesien dit duidelik is dat hy Mbonani nie glo nie.

Van Wyngaardt het daarop aangedring dat hy voortgaan, aangesien Mbonani die toneel ondersoek en foto’s daarvan gesien het. “Daar is ‘n moontlikheid dat dit wat die foto’s wys kan verskil van die uitslag van die ballistiese kenners,” het Cox aan Van Wyngaardt gesê.

Cox het die saak tot 15 November uitgestel vir die ballistiese bewyse. Hy het Van Wyngaardt se pleit, dat sy kliënt steeds in die selle by Benoni se polisiestasie aangehou word, toegestaan. Liebenberg is nie tans in ‘n tronksel nie.

Liebenberg moet glo behandeling ontvang vir depressie soos ‘n kliniese sielkundige voorgestel het in ‘n verklaring wat aan die hof voorgehou is. “My kliënt se toestand kan vererger en dit is moontlik dat hy nie verhoor sal kan word indien hy in ‘n tronksel geplaas word nie. Dit sal moeilik wees om die behandeling, wat hy benodig, aan hom te bied,” het Van Wyngaardt gesê.

Lees ook:
Pa in hof oor skietdood van kêrel en die se pa
Man skiet dogter se kêrel en sy pa dood

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Heidi

“The witness who was with the deceased said Visser senior received a call from his son on that day who told him the accused [Liebenberg] was holding him hostage in the house.”

The two, Visser sen. and the witness, drove to Liebenberg’s home. They arrived and spoke to Liebenberg, and the situation was amicably resolved, he said

Heidi

Dit is wat in News24 berig is. Hy het die kind aangehou!!! En hul was oppad uit toe hy om die huis kom en op hul skiet!!! Arrogansie het nou omgesit in Deppressie. Siestog!! En so begin die waarheid uitkom. Seker gedink sy geld kan als reg of weg koop.

Ben

Heidi, jy weet nie waarvan jy praat nie. Die “kind” was n probleemkind, op steroide, wat hom agresief gemaak het, en wat hy dan op die meisies in sy lewe uitgehaal het. Sy vorige meisie se pa het n interdik teen hom gekry. Hy het sy pa gebel, wat n vriend van hom gaan oplaai het, en hulle het haar pa in sy eie huis aangerand. die Vissers se naam loop hulle vooruit in Benoni, hulle is n rowwe klomp gewees, soos die mafia, daar is nog een broer. Die meisie se pa het hulle in self verdediging geskiet. Ek… Lees meer »

Heidi

Nee Ben ek dink jy weet nie waarvan jy praat nie. Liebenberg se dogter was die probleem kind. Ek weet want sy was saam my kind op skool. Sy het BAIE kerels gehad , sy het partytjie gehou en dwelms gebruik inplaas van te studeer dis hoekom sy haar studies opgeskop het en sy was die een in rehabilitasie. En lees al die berigte daar was ‘n getuie saam Visser snr.

Maggie

Stem Heidi,hoekom peuter mens by die moord toneel as jy nie iets het om weg te steek nie, nee wat hierdie ou moet maar boet vir sy dade, het ook seker maar groot geword, met dien verstane as jy nie kan skiet nie boet is jy nie ‘n man nie.