'n Pad naby Hoedspruit wat deur vloedwater beskadig is.
ʼn Polisiewoordvoerder, lt kol Ronel Otto, sê die liggaam is in opdrifsels sowat 15m van die kant af gevind. Dit blyk of die liggaam reeds ʼn geruime tyd in die water was aangesien dit begin ontbind het. Otto sê dit is nie duidelik of die man moontlik in die motor was wat op 19 Januarie van ʼn brug in die area meegesleur is nie. Die motor is nog nie gevind nie. Die polisie het ʼn beroep gedoen op die publiek om enige inligting rakende vermiste persone by hulle naaste polisiekantoor aan te meld.
