Limpopo glo sonder medisyne

Argieffoto

Die departement van gesondheid in Limpopo het al glo die afgelope drie maande nie medisyne of finansies tot hul beskikking nie.

“Die situasie in Polokwane is skokkend,” het Norman Mabasa, LUR vir die departement, gesê. “Die begroting vir medisyne is minder as wat dit moes wees. Sover dit medisyne aangaan, het ons nie meer fondse tot ons beskikking gehad nie. Ons kon dus in Desember nie medisyne aanskaf nie.”

Monde Tom, hoof van die ingrypingskomitee, het egter dit alles ontken en gesê die provinsie se medisynedepot het wel medisyne, maar die hospitale bestel nie medisyne nie.

Pasiënte, insluitend kinders wat griepinspuitings wou gehad het, is twee weke gelede weggewys toe hulle provinsiale gesondheidsorgfasiliteite besoek het, aangesien daar glo nie medisyne beskikbaar was nie.

Mabasa het aan die departement se gekose komitee vir finansies gesê die probleme het ontstaan toe die departement onder administrasie geplaas is. “Ons berus daarby dat dit gebeur het toe ons onder administrasie geplaas is. Ons kan nie die tekort aan fondse aan plundery toeskryf nie, aangesien daar ‘n ingryping was.”

Die komitee het gehoor dat die departement ‘n hoë koers van vakante poste het en is nie in staat om dokters en ander gesondheidsorgpersoneel te lok nie.

Die Tesourie het in Desember 2011 die administrasie van die departement van gesondheid, onderwys, paaie en vervoer, openbare werke en die tesourie oorgeneem. Die provinsie het aanvanklik ‘n R1.77 miljard oortrokke rekening van die nasionale Tesourie versoek. Sedertdien het die provinsie R2 miljard surplusfondse.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae