Loterywenner in hof oor diefstal

Argieffoto

Argieffoto

ʼn Voormalige loterywenner wat daarvan beskuldig word dat hy R250 gesteel het, het Dinsdag in die Pietermaritzburg-streekshof verskyn.

Dayalin Maslamoney (39), ʼn voormalige polisiebeampte wat in April 2009 R10.4 miljoen in ʼn lotery gewen het, staar aanklagte van diefstal en dat hy homself as ʼn polisiebeampte voorgedoen het, in die gesig. Die saak is tot 17 Maart uitgestel.

Maslamoney en sy vrou Reena Pillay se egskeiding is in Maart verlede jaar afgehandel. Sy het R2.5 miljoen, die helfte van die bedrag in hul gesamentlike rekening, uit die skikking ontvang. Hy is nou egter brandarm en deel ʼn woonstel met twee gesinslede in Pietermaritzburg.

Hy en sy medebeskuldigde het glo, geklee in siviele drag, by ʼn huis ingestorm, ʼn polisiewapen getoon en kontant geëis. Hy is vroeër op borgtog van R2 000 vrygelaat. -SAPA

Lees ook:
Loterywenner steel glo R250

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.