‘n Lotto boerpot ter waarde van R1,364-miljoen gaan verval as dit nie voor Donderdag opgeëis word nie.
Gidani, die maatskappy wat die Lotto bestuur, het Dinsdag bekend gemaak twee spelers het verlede jaar die wennommers (4,5,9,10,15 en 25) in trekking 1093 gehad.
“Een van die spelers het egter nog nie vorendag gekom om die geld te eis nie. Die kaartjie is in Randburg gekoop,” het Thembi Tulwana, Gidani se woordvoerder, gesê.
Sy het gesê wenners het 365 dae vandat die trekking plaasgevind het om hul prysgeld te eis.