‘n 20-jarige man is Saterdag in hegtenis geneem nadat hy ‘n olifanttand met ‘n kettingsaag in ‘n geslote Paryse museum in Frankryk afgesaag het.
Die klank van die kettingsaag het die alarmstelsel laat afgaan wat die polisie in kennis gestel het van die diefstal. Die man is naby die Natuurlike Geskiedenismuseum met die waardevolle 3kg-ivoor aangekeer. Volgens beamptes van die museum sal die olifanttand weer aan die geraamte van die olifant vasgemaak kan word, aangesien daar geen verdere skade aangerig is nie.
Die dier het aan die Franse koning Louix XIV, wat in 1715 gesterf het, behoort.
Owerhede vermoed die olifanttand sou op die swart mark vir ivoor verkoop word.