ʼn Werker van die Suid-Afrikaanse Lugdiens is by die OR Tambo-lughawe in hegtenis geneem in verband met dwelmsmokkelary.
Kapt. Paul Ramaloko, woordvoerder van die Valke, sê die 34-jarige verdagte is in hegtenis geneem nadat sy glo kokaïne met ʼn geskatte straatwaarde van sowat R300 000 van Sau Paulo in Brasilië in die land in wou smokkel.
Die verdagte, ʼn bemanningslid, het sowat 2kg se dwelms aan haar bolyf vasgemaak. Sy was glo deel van ‘ncdwelmsindikaat. Sy moet Maandag in die Kempton Park-landdroshof op aanklag van dwelmhandel verskyn.
