LUR, lyfwagte sterf in ongeluk

Die Gautengse LUR vir ekonomiese ontwikkeling, Nkosiphedule Kolisile, en twee lyfwagte is Saterdag in ʼn ongeluk in die Vrystaat oorlede.

Die ANC sê in ʼn verklaring die ongeluk het op die N6 in Reddersburg plaasgevind. Kolisile (40) was op pad na ʼn begrafnis in die Oos-Kaap. “Die ANC in Gauteng betuig sy meegevoel met die familie en naasbestaandes. Dit is ʼn reuse tragedie en die polisie stel steeds ondersoek in na die wat die ongeluk veroorsaak het.” Die ANC sê die party het ʼn “groot en onbaatsugtige” leier verloor. Die DA in Gauteng en die Jong Kommunisteliga het hul skok uitgespreek oor Kolisile se dood.