Die luukse Cybele Forest Lodge and Health Spa. Foto: Cybele.co.za
Die luukse Cybele Forest Lodge and Health Spa buite Nelspruit in Mpumalanga, moes sy deure sluit ná ‘n grondeis afgedwing is.
Die 120 hektaar eiendom waarop Cybele gebou is, is vir R17 miljoen deur die departement van landelike ontwikkeling en grondhervorming gekoop en op 13 Maart aan die Manzimhlophe-gemeenskap oorhandig, het ʼn SAPA korrespondent Dinsdag berig.
Die luukse lodge, wat in 1979 oopgemaak het, het Sondag sy deure gesluit.
Rupert Jeffries, die lodge se direkteur, het in ʼn verklaring gesê die regering kon nie daarin slaag om ʼn strategiese vennoot te vind om die lodge saam met die gemeenskap te bestuur nie en dit het daartoe gelei dat die lodge moes sluit en 45 mense hul werk verloor het.
Mtobeli Mxotwa het gesê die departement is besig om die gemeenskap te help om vennootskap-opsies met beleggers te bespreek. Mxotwa het gesê daar is reeds ʼn vergadering belê met ʼn belegger wat “belangstel” in ʼn moontlike vennootskap.
O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.
13 Kommentare
Hierdie is nie die eerste keer wat grondeise veroorsaak dat lopende besighede hulle deure moes toemaak en talle mense hulle werke verloor as gevolg daarvan nie.
Wanneer gaan die regering wakkerskrik en agterkom dat hierdie beleid werk nie?
Die grond is aan hulle oorhandig, so, breek die hele lodge tot op die flippen fondasie af en vernietig alle infrastruktuur !!!!!!!!! Laat hulle dan op die blerrie grond gaan plak en kyk wat maak hulle dan daarmee.
Die plek gaan stuk, stuk afgebreek en verkoop word tot daar niks oor is nie. Gaan dan maar weer terug plakkerskamp toe en los die grond net so.
En so is nog ‘n spyker in die NSA se doodskis geslaan!
Ai, dis jammer, Hulle net alles afbreek en verwoes.