ʼn Lyk het uit ʼn Air France-vliegtuig geval toe dit Niger se hoofstad in Wes-Afrika genader het.
“ʼn Inwoner het net ʼn paar meter weg gestaan van waar die liggaam Donderdag omstreeks 05:00 geval het,” het Abdou Labo, minister van binnelandse sake, gesê. Die polisie is ontbied en hulle het die liggaam in ʼn plas bloed aangetref. Daar was glo ook bloed op die linkervlerk van die vliegtuig.
Die vliegtuig was van Burkina Faso se hoofstad, Ouagadougou, onderweg na Parys, Frankryk. Beamptes hou tans die vliegtuig in Niamey om die bemanning en passasiers te ondervra. Ondersoekbeamptes sal ook die “omstandighede waaronder die passasiers op die vliegtuig geklim het” ondersoek.
Wowwwww NOU het ek sowaar alles gesien/gehoor………….Ek weet nie wat ek sou gemaak het as n lyk moet neer plof digby my, vanuit n vliegtuig………ouch dis erg !