Melissa Townsend, ‘n ma van Florida in Amerika, het glo die polisie se 911-inbelsentrum geskakel en hulle ontbied om haar kinders “skrik” op die lyf te jaag.
Volgens operateurs van die 911-inbelsentrum het Townsend in die oproep verduidelik dat haar kinders, onderskeidelik een en drie jaar oud, “nie vir my luister nie”, berig WKMG. “Hulle moet leer hoe om respek te betoon en hulle moet leer van mense in gesagsposisies,” het Townsend glo gesê. “Ons maak nie kinders bang nie,” het die operateur glo geantwoord. Die polisie is egter wel na die toneel ontbied en die 27-jarige Townsend was glo onder die invloed van alkohol en het een beampte ‘n paar keer in sy lies geskop. Beamptes van die Brevard County-polisiekantoor het haar in hegtenis geneem en sy word van kinderverwaarlosing, aanranding van ‘n polisiebeampte en verset teen inhegtenisneming aangekla.
Haar kinders is tans by familielede in veilige bewaring.
Sies!!!!! watter skande van n Ma. Sy kan beslis nie n ma genoem word nie.