Ma en dogtertjie dood aangetref in Sandton-hotel se bad

Die polisie probeer steeds om die identiteit vas te stel van ‘n ma en dogter wat verlede week dood aangetref is in ‘n bad in ‘n hotel in Sandton, Johannesburg.

Die twee is Donderdag ontdek nadat hulle die vorige aand by die hotel ingeboek het, berig EWN. Die ma is vermoedelik in haar 40s en die dogtertjie glo vier jaar oud. “Die polisie weet nie hoe die twee gesterf of waarom hulle gesterf het nie,” het Moses Maphakela, woordvoerder van die polisie, aan EWN gesê. “Ons weet nie wat die motief vir die moord is nie.” Die polisie versoek enigiemand met inligting om met hulle in verbinding te tree.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae