Ma, kinders vas oor moordkomplot

ʼn 62-jarige vrou en haar twee kinders is in hegtenis geneem naby Witbank in Mpumalanga vir ʼn beweerde komplot om haar man te vermoor.

Kol. Leonard Hlathi, woordvoerder van die polisie, sê die vrou, haar seun (25) en dogter (31) is Donderdag in hegtenis geneem terwyl die twee mans wat glo gehuur is om die moord te pleeg Woensdag in hegtenis geneem is. Hlathi sê een van die beweerde sluipmoordenaars het aan die polisie vertel dat sy vuurwapen vasgehaak het toe hulle die slagoffer probeer skiet het. Die sluipmoordenaars het die slagoffer toe met ʼn byl aangeval. Die 59-jarige slagoffer het teruggeveg en die sluipmoordenaars het gevlug. Skote is ook twee weke gelede op die man afgevuur terwyl hy op pad was werk toe. Hlathi sê die vrou, haar kinders en die beweerde sluipmoordenaars sal Maandag in die Mkobola-landdroshof verskyn op aanklagte van sameswering tot moord en poging tot moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.