ʼn Ma van ʼn 8-jarige dogtertjie is Woensdag tussen eMalahleni (Witbank) en KwaMhlanga vermoor, ná sy vroeër die dag in Middelburg ontvoer is.
Igna Nortjé (33), ʼn oudioloog van Middelburg, se liggaam is ʼn paar meter van haar verlate voertuig naby Verena gevind. Sy het verskeie steekwonde, onder meer aan haar keel, gehad, het kolonel Leonard Hlathi, ʼn polisiewoordvoerder, gesê.
Beeld berig rowers het haar die oggend ontvoer en drie keer deur die dag geld uit haar bankrekening onttrek. Sy laat haar man Riaan (31) en dogter Mia agter.