Oud-president Nelson Mandela sterk aan in die hospitaal.
“Die dokters wat na Mandela omsien bevestig dat hy vordering maak en dat hulle tevrede is met die manier waarop hy op die behandeling reageer,” het Mac Maharaj, woordvoerder vir die presidensie, gesê.
Mandela (94) is Saterdag uit sy huis in Qunu in die Oos-Kaap na 1 Militêre Hospitaal in Pretoria vervoer. Volgens die presidensie word hy vir ʼn longinfeksie behandel.