Madiba uit hospitaal ontslaan

Oud-president Nelson Mandela is Saterdag ontslaan nadat hy nege dae in die hospitaal deurgebring het.

Mac Maharaj, woordvoerder van die presidensie, sê Mandela is ontslaan na daar ʼn volgehoue en geleidelike verbetering in sy toestand was. Maharaj sê Mandela sal nou verdere behandeling by die huis ontvang. Hy sê president Jacob Zuma het intussen sy dankbaarheid uitgespreek teenoor alle Suid-Afrikaners en mense van regoor die wêreld vir hulle ondersteuning. Madiba is op 27 Maart in ʼn Pretoriase hospitaal opgeneem vir longontsteking.