Madonsela se lewe “nie in gevaar”

Adv. Thuli Madonsela tydens Woensdag se perskonferensie. Foto: Werner Beukes / SAPA

Adv. Thuli Madonsela tydens Woensdag se perskonferensie. Foto: Werner Beukes / SAPA

Thuli Madonsela, die Openbare Beskermer, se lewe of pos is glo nie in gevaar nadat sy pres. Jacob Zuma se privaatwoning by Nkandla ondersoek het nie.

“Ek dink nie my lewe is in gevaar nie, ek het geen dreigemente ontvang nie,” het Madonsela Woensdag aan verslaggewers gesê. “Niemand het enigiets gedoen om my af te dank nie. Ek vergewe mense wat soms te vinnig praat en nie die geleentheid het om te lees nie.”

Madonsela het haar voorlopige verslag oor sekuriteitsopgraderings van R206 miljoen by Nkandla in KwaZulu-Natal bespreek. Sy het gesê sy kon nie voorsien dat die saak in die hof sou draai nie.

Die veiligheidsgroepering het verlede week sy dringende interdik, om Madonsela te verhoed om die voorlopige verslag beskikbaar te stel, teruggetrek. Die verslag is op 1 November aan belanghebbendes versprei vir kommentaar.

Nathi Mthethwa, minister van die polisie, het gesê Zuma se veiligheid kan in gedrang wees indien die voorlopige verslag vrygestel word sonder kommentaar deur die staat.

Lees ook:
OB sal reaksie op Nkandla oorweeg

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Paul Smith ·

Hou aan met die goeie werk, Lady, jy’s ‘n vrou van staal en skrik nie vir die ANC nie!!

Eben ·

Thuli Madonsela hou vol met jou goeie werk ….. Hoekom sou zumie se lewe in gevaar wees, oor al die verkiesing beloftes wat nie nagekom is nie, wel(llll!) dan moet hy mos rekenskap gee!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.