Die beleërde ANC-jeugligaleier Julius Malema se aansoek om sy tydelike skorsing ter syde stel het misluk.
Die ANC se Nasionale Dissiplinêre Appèlkomitee (NDCA) het Dinsdag dié aankondiging gemaak. “Die NDCA het bevind dat die NDK [Nasionale Dissiplinêre Komitee] nie die ANC se grondwet, die reëls van natuurlike geregtigheid of die land se Grondwet verbeek het nie,” het die NDCA se voorsitter, Cyril Ramaphosa, gesê. Malema het sy appèl op laasgenoemde baseer. Malema is voorverlede week summier uit die ANC geskors na aanleiding van sy opmerkings wat hy by Wits Universiteit gemaak het dat president Jacob Zuma ‘n diktator is. Die skorsing is egter nie deel van die dissiplinere prosesse wat gelei het tot Malema se aanvanklike skorsing nie. Hy appelleer tans teen die skorsing. Die huidige tydelike skorsing beteken dat Malema geen ANC vergaderings, insluitend die van die nasionale uitvoerende komitee mag bywoon nie. Dié voorwaardes bly dus geldig.
