Malema uit hospitaal ontslaan

ANC-jeugligaleier, Julius Malema. Foto: Werner Beukes/SAPA

Die ANC jeugligaleier, Julius Malema, is uit die hospitaal ontslaan, berig die SABC.

Die openbare uitsaaier berig Malema het deur ʼn ingang, wat nog nie vir die publiek oop is nie, uitgeglip. ʼn Woordvoerder van die Limpopo Medikliniek, Istha McMillan, het bevestig dat Malema ontslaan is. Malema is Woensdag in die hospitaal opgeneem vir erge griepsimptome. Die jeugliga het vroeër die week geweier om enige besonderhede bekend te maak rakende Malema se gesondheid. Malema se dissiplinêre verhoor is Donderdag uitgestel en sal op 15 Oktober voortgaan. Hy en vyf van sy kollegas word daarvan aangekla dat hulle die ANC in oneer gebring het en verdeeldheid in die party saai.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae