Man aangekla wat hom glo aan Mugabe “afvee”

Een van Robert Mugabe se verkiesingsplakkate in 2013

‘n Man van Zimbabwe is aangekla nadat hy glo verkiesingsplakkate van pres. Robert Mugabe as toiletpapier gebruik het, het plaaslike media Woensdag berig.

Takura Mufumisi (26) van Masvingo, het glo die papier in ‘n kroegtoilet gebruik. ‘n “Informant” het glo gesien hoe hy die plakkaat met Mugabe se foto daarop opskeur terwyl hy in die toilet was en hy het ‘n burgerlike inhegtenisneming gedoen.

Die koerant berig staatsaanklaer Mukai Mutumbe het aan die hof gesê dat Mufumisi op 24 Julie vanjaar die Landmark-kroeg in die stad besoek het om homself in die toilet te verlig. Mufumisi word daarvan aangekla dat hy verkiesingswette oortree het. Dit is ‘n misdaad in Zimbabwe om verkiesingsplakkate van mure en pale te verwyder.

Sy saak is onbepaald deur ‘n landdroshof uitgestel.

Mugabe het Zimbabwe se verkiesing op 31 Julie gewen, maar Morgan Tsvangirai, sy teenstander, het die uitslag betwis.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Trippie

Ek sou die plakkaat aan die brand gesteek het … of sommer op Mug-aap gespuug het !

GROOTSTE MISDAAD is die feit dat die werfe….r nog nie kompos is nie.

Seg Net

Hy het daardie lieflike land deur sy gat getrek en kom niks oor nie. Nou moet iemand vervolg word wat sy kiekie van hom deur sy gat trek. Dit is ‘n gatslag vir demokrasie. Die D0nner is seniel.

Jasper

Dat mens nou vir gat afvee gevang word. Kan n giftige muskiet tog nie n einde aan die sirkus maak nie ?

Vasvat

LMGA,die ou skilpad se verdiende loon.

Amy

Nee rêrig!!! Mugabe is darem baie ‘fyngevoelig’ vir so ‘n gevoellose mens. Die man het mos nie gesteel of gemoor nie. Hy wou net die toilet gebruik, en dalk was daar nie papier ni?. Ek wil dit ook doen, maar met foto’s van my base se gesigte op…